Muhammad Mazhar-e-Kamil hai Haq ki shan-e-Izzat ka

Muhammad Mazhar-e-Kamil hai Haq ki shan-e-Izzat ka
Nazar aata hai is Kasrat mein kuchh andaz wahdat ka

Yahi hai asal-e-Aalam madda eejad-e-Khalqat ka
Yahan wahdat mein barpa hai ajab hangama kasrat ka

Gada bhi muntazir hai Khuld mein nekon ki dawat ka
Khuda din khair se laaye sakhee ke ghar ziyafat ka

Gunah magfoor , Dil Roshan , Khank Aankhein , Jigar Thanda
Ta'aalallah ! Maahe Tayba aalam Teri Tal'at ka

Na Rakkhi Gul ke Joshe Husn ne Gulshan mein jaa baki
Chatakta fir kahan guncha koi baag-e-Risalat ka

Bada ye silsila Rehmat ka daur-e-Zalfe wala hai
Tasalsul ka le koson reh gaya isyan ki zulmat ka

Safe matam uthe , khali ho zindan , tootein Zanjeerein
Gunahgaron ! Chalo Maula ne dar khola hai Jannat ka

Sikhaya hai ye kis gustakh ne aayina ko Ya Rabb
Nazara Roo-e-Janan ka bahana kar ke hairat ka

Idhar ummat ki hasrat par udhar Khaliq ki Rehmat par
Nirala Taur hoga gardishe chashme shafa'at ka

Badhin is darja mozein kasrat-e-Afzale wala ki
Kinara mil gaya is naher se dariya-e-wahdat ka

Khame zulfe nabi sajid hai mehrabe do abroo mein
Ke Ya Rabb Tu hi Wali hai siya karane ummat ka

Madad Ae Joshish-e-girya baha de koh aur sehra
Nazar aa jaaye jalwa be hijab is paak tohbat ka

Hue kam-khwabi behraan mein saaton parde kam-khwabi
Tasawwur khub bandha aankhon Astare Turbat ka

Yakeen hai waqt-e-Jalwa lagzishein paaye nigah paaye
Mile joshe safa-e-Jism se paboos Hazrat ka

Yahan chhidka namak waan marham-e-kafoor hath aaya
Dil zakhmi namak parwarda hai kis ki malahat ka

Ilahi muntazir hun wo khirame naaz farmaein
Bichha rakhaa hai farsh aankhon ne kam khwabe basarat ka

Na ho Aaqa ko sajda Aadamo Yusuf ko sajda ho
Magar sadde zara-e-daag hai apni shariyat ka

Zabane khar kis kis dard se un ko sunati hai
Tadapna dashte Tayba mein jigar afgar furkat ka

Sirhane unke Bismil ke ye betabi ka matam hai
Shahe Kausar taraham tashna jata hai ziyarat ka

Jinhe marqad mein ta hashr ummati keh kar pukaroge
Hamein bhi yaad karlo un mein Sadqa Apni Rehmat ka

Wo chamkein bijliyan Ya Rabb Tajalliya-e-Jana(n) se
Ke chashme Toor ka surma ho dil mushtaq rooyat ka

Raza-e-Khsta ! Joshe behre Isyaan se na ghabrana
Kabhi to haath aa jaaega daman unki Rehmat ka 

Gham Ho Gaye Be-Shumar Aaqa Lyrics

Gham Ho Gaye Be-Shumar Aaqa

Banda Tere Nisar Aaqa

Bigda Jaata Hai Khail Mera

Aqa Aqa Sanvar Aaqa

Manjadar  pe Ake Naao dubi

De Hath ke hun mein paar Aaqa

Tooti  Jaati hai Peeth Meri

Lillah ye Boj Utar Aaqa

Halka hai Agar Hamara Palla

Bhari hai Tera Waqqar Aaqa

Majboor hein ham To Fikar kya hai

Tum Ko To hai Ikhtiyar Aaqa

Mein Door hun  Tum To Ho Mere Paas

Sun Lo Meri Pukaar Aaqa

Muj sa Koi Gham Zada Na Hoga

Tum sa Nahin Gham Ghusar Aaqa

Girdaab mein pad gayi hai kashti

Dooba Dooba , Utaar Aaqa

Tum Wo Ke Karam Ko Naaz Tum Se

Mein Wo Ke Badi Ko aar Aaqa

Fir Munh Na Pade Kabhi Khazan Ka

De De Aesi Bahar Aaqa

Jiski Marzi Khuda Na Taale

Mera Hai Wo Namdar Aaqa

Hai Mulk-e-Khuda Pe Jis Ka Kabza

Mera Hai Wo Kamghar Aaqa

Soya kiye nabikar bande
Roya kiye zaar zaar Aaqa

Kya Bhool hai In ke hote kehlaein

Dunya ke ye Tajdar Aaqa

Unke Adna Ghada Pe Mit Jaaein 

Aese Aese Hazar Aaqa

Be Abr-e-Karam Ke Mere Dhabbhe

La Tagsiluha l Behar Aaqa

Itni Rehmat RAZA Pe Karlo

La Yaqrubuhu al Bawar Aaqa

Ham Khak hein aur khak hi mawa hai hamara Lyrics

Ham Khak hein aur khak hi mawa hai hamara
Khaki to wo Adam Jadd Aala hai hamara

Allah hamein khak kare Apni talab mein
Ye khak to Sarkar se tamga hai hamara

Jis khak pe rakhte the kadam Sayyed-e-Alam
Us khak pe qurban dile shayda hai hamara

Kham ho gayi pushte falak is ta'ne zameen se
Sun ham pe Madina hai wo rutba hai hamara

Is ne lakab-e-Khak Shahenshah se paya
Jo Haidar-e-Karrar ke Maula hai hamara

Ae Muddaeeyon ! Khak ko Tum khak na samje
Is khak mein madfoon Shahe Bat'ha hai hamara

Hai khak se Ta'meer mazar-e-Shahe Kaunain
Ma'moor Isi khak se Qibla hai hamara

Ham khak udaeinge jo wo khak na payee
Aabad Raza jispe Madina hai hamara

Tu hai wo gaus ke har gaus hai shayda tera

Tu hai wo gaus ke har gaus hai shayda tera
Tu hai wo gays ke gays hai pyasa tera

Suraj gulon ke chamakte the chamak kar dube
Ufak noor pe hai maher hamesha tera

Murg sab bolte hein bol kar chup rehte hein
Han aseel ek nawa sanj rahega tera

Jo wali qabl the ya ba'd hue ya honge
Sab adab rakhte hein dil mein mere aqa tera

Ba-kasam kehte hein shahane sar-yafeen wa hareem
Na hua hai na wali ho koi hamta tera

Tuj se aur dahar ke aqtab se nisbat kesi
Qutb khud kaun hai khadim tera chela tera

Sare aqtab jahan karte hein ka'ba ke tawaf
Ka'ba karta hai tawafe dare wala tera

Aur parwane hein jo hote hein ka'ba pe nisar
Sam'a ek tu hai ke parwana hai ka'ba tera

Shajar saro sahee kis ke ugaye tere
Ma'refat fhul sahi kis ka khilaya tera

Tu hai nosha'a barati hai ye sara gulzar
Layee he fasal siman ghundh ke sehra tera

Daliyan jhumti hein rashke khushi jhosh pe hai
Bulbulein jhumti hein ghati hein sehra tera

Gheet kaliyon ki chatak gazlein hazaron ki chehak
Baag ke saazon mein baheta hai tarana tera

Safe har shajrah mein hoti hai salami teri
Shakhein jhuk jhuk ke baja latin hein mujra tera

Kis gulistan ko nahin fasle bahari se niyaz
Kaun se silsile mein faiz na aaya tera

Nahin kis chand ki manzil mein tera jalwa e noor
Nahin kis aayina ke ghar mein ujala tera

Raaj kis shehar mein karte nahin tere khuddam
Baaj kis nahar se leta nahin dariya tera

Mazra-e-chisht va bukhara va iraq va ajmer
Kaunsi kisht pe barsa nahin ujala tera

Aur mehboob hein , haan par sab yaksaan to nahi
Yun to mehboob hai har chahne wala tera

Isko so fard sarapa ba-faragat odein
Tang ho kar jo utarne ko ho neema tera

Ghardanein jhuk gayin sar bichh gaye dil lut gaye
Kashfe saaq aaj kahan ye to kadam tha tera

Taaje firke arafa kis ke kadam ko kahein
Sar jise baaj dein wo paaon hai kis ka tera

Sukar ke josh mein jo hein wo tuje kya jaane
Khizr ke hosh se puchhe koi rutba tera

Aadami apne hi ahwal pe karta hai kiyas
Nashe walon ne bhala sukar nikala tera

Wo to chhota hi kaha chahein ke hein zere hazeez
Aur har auoj se uncha hai sitara tera

Dale aa'da ko Raza tez namak ki dhun hai
Ek zara aur chhidakta rahe khama tera

Wah kya martaba ae gaus hai bala tera

Wah kya martaba ae gaus hai bala tera
Unche unchon ke saron se kadam aala tera

Sar bhala kya koi jaane ke hai kesa tera
Auliya malte hein aankhein wo hai talwa tera

Kya dabe jispe himayat ka ho panja tera
Sher ko khatre mein lata nahin kutta tera

Tu hussaini tu hasani kyun na muhiyuddin ho
Ae Khizar majma e bahrayn hai chashma tera

Qasmein de de ke khilata hai pilata hai tuje
Pyara allah tera chahane wala tera

Mustafa ke tane be-saya ka saya dekha
Jisne dekha meri jaan jalwa-e-zayba tera

Ibne zohra ko mubarak ho aruse qudrat
Qadri payein tasadduk mere dulha tera

Kyun na kasim ho ke tu ibne abil kasim hai
Kyun na qadir ho ke mukhtar hai baba tera

Nabawi minh alawi fasl batuli gulshan
Hasani ful husaini hai mahekna tera

Nabawi zil alawi barj batuli manzil
Hasani chand husaini hai ujala tera

Nabawi khur Alawi koh batuli ma'din
Hasami la'al husaini hai tajalla tera

Bahro bar sehro qura Sahalo khuzan dashto chaman
Kaun se chak pe pahunchta nahi dawa tera

Husne niyyat ho khata fir kabhi karta hi nahin
Aazmaya hai yagana hai dughana tera

Arze ahwal ki pyason mein kahan taab magar
Aankhein ae abre karam takti hein rasta tera

Maut nazdik gunahon ki tahyee mail ke khol
Aa baras ja ke naha dhole ye pyasa tera

Aab aamad wo kahe aur mein tayammum barkhast
Mushte khak apni ho aur noor ka ahla tera

Jaan to jaate hi jayegi qayamat ye hai
Ke yahan marne pe thehra hai nazara tera

Tuj se dar dar se sag aur sag se hai mujko nisbat
Meri gardan mein bhi hai door ka dora tera

Is nishani ke jo sag hein nahin mare jaate
Hashr tak mere gale mein rahe patta tera

Meri kismat ki kasam khayein sagane bagdad
Hind mein bhi hun do deta rahun pehra tera

Teri izzat ke nisar ae mere gairat wale
Aah sad Aah ! yun khwar ho birwa tera

Bad sahi chor sahi mujrimo nakara sahi
Ae wo kesa hi sahi hai to karima tera

Mujko ruswa bhi agar koi kahega to yunhi
Ke wahi na , wo Raza banda e ruswa tera

Hein Raza yun na balke tu nahin Jayyid to naho
Sayyed jayyed har dahar hai maula tera

Fakhre aaqa mein Raza aur bhi ek najme rafee'e
Chal likha laaun sana khwanon mein chehra tera

Wah kya judo karam hai shahe bat'ha tera

Wah kya judo karam hai shahe bat'ha tera
Nahin sunta hi nahin mangne wala tera

Dhare chalte hein ata ke wo hai qadrah tera
Tare khilte hein sakha ke wo hai zarra tera

Faiz hai ya shahe tasneem nirala tera
Aap pyason ke tajassus mein hai dariya tera

Agniyaa palte hein dar se wo hai bada tera
Asfiyaa chalte hein sar se wo hai rasta tera

Farsh wale teri shokat ka uluv kya jaane
Khusrawan arsh pe udta hai farera tera

Aasman khwan , zameen khwan , zamana mehman
Sahibe khana laqab kiska hai tera tera

Mein to mailk hi kahun ga ke ho mailk ke habeeb
Yani mehboobo muhhib mein nahin mera tera

Tere kadmon mein jo hai ghair ka muh kya dekhe
Kaun nazron pe chadeh dekh ke talwa tera

Behare saeel ka hun saeel na kunven ka pyasa
Khud buja jaaye kaleja mera chhinta tera

Chor hakim se chhupa karte hein ya uske khilaf
Tere daman mein chhupe chor anokha tera

Aankhen thandi hon jigar taaje hon jaanein sayrab
Sachche suraj wo dil aara hai ujala tera

Dil abas khauf se patta sa uda jaata hai
Palla halka saheeh bhari hai bharosa tera

Ek mein kya mere isyaan ki hakeekat kitni
Muj se so laakh ko kafi hai ishara tera

Muft pala tha kabhi kaam ki aadat na padhi
Ab amal puchhte hein haye nikamma tera

Tere tukdon pe pale ghair ki thokar pe na dal
Jidkiyan khayen kahan chhod ke sadka tera

Khwaro bimar khatawaro gunahghar hun mein
Raafei wa nafein wa shafei lakab aaqa tera

Meri takdeer buri ho to bhali karde ke hai
Mahaw wa asbat ke daftar pe karoda tera

Tu jo chahe to abhi mail mere dil ke dhulein
Ke khuda dil nahin karta kabhi maila tera

Kiska munh taken kahan jaayen kis se kahein
Tere hi kadmon pe mit jaaye ye paala tera

Tu ne islam diya tune jama'at mein liya
Tu kareem ab koi firta hai atiyyah tera

Maut sunta hun sitam sakht hai zahrabae naab
Kaun lade muje talwon ka gisala tera

Dur kya janiye badkar pe kesi guzre
Tere hi dar pe mare bekaso tanha tera

Tere sadke muje ek bund bahot hai teri
Jis din achhon ko mile jaam chhalakta tera

Haram wa bagdad wa Tayba jidhar kijiye nigah
Jhot padti hai teri noor hai chhanta tera

Teri sarkar mein lata hai Raza usko shafee
Jo mera gaus hai aur ladala beta tera